Ilğor tadqiqotlar instituti laboratoriya mudiri “Innovatsion ğoyalar yetakçisi” kökrak nişoni bilan taqdirlandi

2026-yil 29-oktabr kuni “InnoWeek-2026” xalqaro innovatsion ğoyalar haftaligi doirasida “Yangi Özbekiston” universiteti huzuridagi Ilğor tadqiqotlar instituti Biotexnologiya va bioinformatika laboratoriyasi mudiri, biologiya fanlari doktori (DSc) Farhod Eşboyev Özbekiston Respublikasi Innovatsion rivojlaniş agentligi tomonidan “Innovatsion ğoyalar yetakçisi” kökrak nişoni bilan taqdirlandi.

Mazkur kökrak nişoni innovatsion ğoya va texnologiyalarni rivojlantiriş, ularni amaliyotga tatbiq etiş hamda innovatsion taraqqiyotga munosib hissa qoşgan şaxslarga topşiriladi.

Farhod Eşboyevning mazkur mukofot bilan taqdirlanişi uning ilm-fan, biotexnologiya va innovatsion tadqiqotlar sohasidagi samarali faoliyati hamda ilmiy yutuqlarining yuksak e’tirofidir.

Bugungi kunga qadar olim öz ilmiy tadqiqotlari natijalari asosida 10 ta patent, jumladan, 4 ta xalqaro patent olgan. Şuningdek, uning 50 dan ortiq ilmiy maqolalari nufuzli xalqaro ilmiy jurnallarda çop etilgan.

Ilğor tadqiqotlar instituti jamoasi Farhod Eşboyevni uşbu yuksak mukofot bilan samimiy tabriklaydi va kelgusi ilmiy faoliyatida yangi yutuqlar tilaydi!